سموگ:سکولوں میں آؤٹ ڈورسر گرمیوں پر پابندی

ملتان:سموگ کی آمد، پنجاب بھر کے سکولوں میں ایمرجنسی نافذ، آوٹ ڈور سرگرمیوں پر پابندی ہوگئی، آگاہی مہم چلائی جائے گی تفصیل کے مطابق پنجاب میں سموگ کے پیش نظر طلبہ کے تحفظ کیلئے محکمہ سکولزنے ہنگامی اقدامات شروع کردیئے ہیں۔سکولوں میں آؤٹ ڈور سرگرمیاں اور کھیل سموگ کے دنوں میں معطل کرنے کی ہدایت جاری ، اساتذہ، والدین اور طلبہ کو سموگ سے بچاؤ کے لئے آگاہی مہم شروع کرنے کا فیصلہ کرلیاگیا سکول سربراہان کو کلاس روم صاف اور وینٹی لیٹڈرکھنے کی ہدایت کی گئی ، سکولوں میں کچرا جلانے پر مکمل پابندی، ویسٹ ڈسپوزل کیلئے انتظامات لازمی قرار دیا گیا دمے اور دل کے مریض طلبہ کے طبی ریکارڈز محفوظ رکھنے کی ہدایت کی گئی ، ہر ضلع میں فوکل پرسن نامزد، محکمہ صحت کے ساتھ ہنگامی رابطے کا نظام فعال کردیاضلعی سطح پر روزانہ ایئر کوالٹی انڈیکس کی مانیٹرنگ اور سکولوں کو رہنمائی دینے کا فیصلہ کیا گیا ، آگاہی مہم کے لنکس اور رپورٹ محکمہ تعلیم کو باقاعدگی سے جمع کرانے کی ہدایت کی گئی ہے اس سلسلے میں رانا عبدالقیوم خان ڈائریکٹر (مانیٹرنگ) کی طرف سے جاری ہونے والے مراسلے میں کہاگیاہے کہ پنجاب میں سموگ کا دور قریب ہے اور آنے والے دنوں میں اس میں شدت آنے کی توقع ہے ۔ یہ موسمی رجحان صحت کے لء خاص طور پر سکول جانے والے بچوں کے لیے اہم خطرات کا باعث بنتا ہے ۔ اس سلسلے میں، آپ کو ہدایت کی جاتی ہے کہ آپ اپنے دائرہ اختیار کے تمام اسکولوں میں احتیاطی اور تخفیف کے اقدامات پر سختی سے عمل درآمد کو یقینی بنائیں۔