پی ایس ایل 11: پشاور زلمی کا کراچی کنگز کو 247 رنز کا ہدف

کراچی: پاکستان سپرلیگ سیزن الیون کے 17ویں میچ میں پشاور زلمی کراچی کنگز کو جیت کے لیے247 رنز کا ہدف دے دیا۔کراچی کے نیشنل بینک کرکٹ سٹیڈیم میں کھیلے جارہے میچ میں کراچی کنگز کی دعوت پر پہلے کھیلتے ہوئے پشاور زلمی نے مقررہ 20 اوورز میں 3 وکٹوں کے نقصان پر 246 رنز بنائے۔پشاور زلمی کے کوشال مینڈس نے 52 گیندوں پر 4 چھکوں اور 14 چوکوں کی بدولت 109 رنز کی جارحانہ اننگز کھیلی جبکہ کپتان بابراعظم نے بھی ذمہ دارانہ بیٹنگ کا مظاہرہ کرتے ہوئے 51گیندوں پر 87رنز سکور کیے اور ناٹ آؤٹ رہے۔زلمی کے عبدالصمد نے 12 گیندوں پر 40 رنز کی ناٹ آؤٹ اننگ کھیلی جبکہ مائیکل بریس ویل 6 رنز بنا کر پویلین لوٹے۔کراچی کنگز کی جانب سے عباس آفریدی نے دو وکٹیں حاصل کیں جبکہ خوشدل شاہ نے ایک کھلاڑی کو آؤٹ کیا۔