اسلام آباد- وفاقی حکومت نے گزشتہ مالی سال 2023-24 کیلئے جی پی فنڈ اور کنٹری بیوٹری پروویڈنٹ فنڈ کیلئے منافع کی شرح میں 0.25 فیصد کی کمی کردی اس حوالے سے وزارت خزانہ کی طرف سے نوٹیفکیشن جاری کردیا گیا ہے جس میں بتایا گیا ہے کہ وزارت خزانہ نے 19 جولائی2023 کو جاری کردہ نوٹیفکیشن کے تحت مالی سال 2022-23 کیلئے جی پی فنڈ اور کنٹری بیوٹری فنڈ کیلئے منافع کی شرح 14.22 فیصد سالانہ مقرر کی تھی اب یکم جولائی 2023 سے شروع ہونیوالے مالی سال 2023-24 کیلئے جی پی فنڈ اور کنٹری بیوٹری پروویڈنٹ فنڈ کیلئے منافع کی شرح 13.97 فیصد سالانہ مقرر کردی ہے جو کہ 2022-23 کیلئے مقرر کردہ شرح منافع کے مقابلے میں0.25 فیصد کم ہےنوٹیفکیشن میں مزید بتایا گیا ہے کہ وزارت ریلوے اور وزارت دفاع کے زیر کنٹرول مختلف پروویڈنٹ فنڈز میں موجود بیلنس پر عائد شرح منافع کے بارے میں یہ وزارتیں الگ سے ضروری ہدایات جاری کریں گی۔۔
Category: کاروبار
-
کسٹم نے کروڑوں کا ٹیکس چوری کرنے کی کوشش ناکام بنا دی
کراچی- پاکستان کسٹمز نے مویشیوں کی خوراک کی آڑ میں سویابین آئل اور سویابین آٹا درآمد کرنے کی کوشش کو ناکام بنادیاذرائع نے سنگ میل نیوز کو بتایا کہ درآمدکنندہ کمپنی سویابین مصنوعات کی مس ڈیکلریشن کرکے ڈیوٹی و ٹیکسوں کی مد میں 3کروڑ 50لاکھ روپے کی چوری کرنے کی کوشش کررہا تھا۔ ذرائع نے بتایا کہ کسٹمز اپریزمنٹ ایس اے پی ٹی کلکٹریٹ نے ایک ہی کمپنی کے مالک کے خلاف دو علیحدہ علیحدہ مقدمات درج کردیے ہیں درج شدہ مقدمات میں کمپنی پر الزام عائد کیا گیا ہے کہ اس نے موزمبیق سے سویا بین کا کھانا اور نائجیریا سے سویا بین کا آٹا درآمد کیا ہے جبکہ اس سامان کو “مویشیوں کے کھانے کے لیے اناج کی باقیات” قرار دیا گیا تھا۔ اس مس ڈیکلریشن نے درآمد کنندہ کو لازمی دستاویزات کی ضروریات کو روکنے اور سامان کی قدر کم کرنے کی اجازت دی، جس کے نتیجے میں حکومت کو محصولات کی مد میں بھاری نقصان پہنچانے کی کوشش کی گئی پہلے معاملے میں موزمبیق سے درآمدات کو شامل کرتے ہوئے، کمپنی نے ڈیوٹی وٹیکس کی مد میں مبینہ طور پر تقریباً 1 کروڑ 99 لاکھ روپے کی چوری کی جبکہ اس کنسائمنٹ کی مجموعی مالیت کا تخمینہ 3 کروڑ 6 لاکھ 91 ہزار روپے لگایا گیا ہے، جبکہ نائیجیریا سے 69 لاکھ 60 ہزار روپے مالیت کا سویابین آٹا درآمد کیا گیا جس پر ڈیوٹی وٹیکسوں کی مد میں 2 کروڑ 44 لاکھ 7 ہزار روپے کی چوری کی گئی کلکٹریٹ کی جانب سے کی جانب سے کی جانے والی تحقیقات پر پاکستان کسٹمز میں داخل کرائے جانے والے امپورٹ گڈز ڈیکلریشن اور برآمدکنندہ ممالک کے ڈیٹا میں تضاد کی نشاندہی ہوئی تحقیقات کے دوران متعلقہ شپنگ لائن کی جانب سے بھی مذکورہ کنسائمنٹس کے ایکسپورٹ ڈیکلریشنز اور کنٹینر ٹریکنگ انفارمیشن سے بھی حکام کو حقیقی درآمدہ مصنوعات اور انکی قیمتوں سے متعلق آگاہی ہوئیذرائع کا کہنا ہے کہ مذکورہ جرائم کسٹمز ایکٹ مجریہ 1969، درآمدات اور برآمدات (کنٹرول) ایکٹ مجریہ 1950، سیلز ٹیکس ایکٹ مجریہ 1990 اور انکم ٹیکس آرڈیننس مجریہ 2001 کے متعدد سیکشنز کی خلاف ورزی کے ارتکاب میں شامل ہیں حکام کا کہنا ہے کہ مس ڈیکلریشن کے مرتکب درآمدکنندہ کمپنی کے مالک کی گرفتاری اور بے قاعدگی میں ملوث عناصر و سہولت کار کی کا تعین کیا جارہا ہے
-
پنجاب میں مفت ایمبولینس سروس ایک خواب بن گئی
لاہور- پنجاب میں مفت ایمبولینس سروس ایک خواب بن کر رہ گئی، مفت سروس دینے کا حکومتی اعلان صرف فائلوں تک ہی محدود ہو کر رہ گیاسرکاری اسپتالوں میں مریض شہر کے اندر ایک اسپتال سے دوسرے اسپتال یا گھر منتقلی کے لیے مفت ایمبولینس سروس کے لیے ترستے ہیں سنگ میل نیوزٹریبیون کو حاصل دستاویزات اور ریکارڈ کے مطابق صوبہ پنجاب میں مجموعی طور پر چھوٹے بڑے اسپتالوں و دیگر کی تعداد 4572 ہے لاہور میں مجموعی طور پر چھوٹے بڑے اسپتالوں و دیگر کی تعداد 136 ہے جن میں ٹیچنگ و اسپیشلائزڈ اسپتالوں کی تعداد 22 ہےدستیاب ریکارڈ کے مطابق بڑے ہسپتالوں میں 12 سے 15 جبکہ چھوٹے اسپتالوں میں 5 سے 7 ایمبولینس ہوتی تھی ٹی ایچ کیو میں 2 سے 3 جبکہ رولز ہیلتھ سنٹرز میں ایک ایمبولینس ہوا کرتی تھی پنجاب کے چھو ٹے بڑے تمام ٹیچنگ و دیگر اسپتالوں میں 35 فیصد سے زائد ایمبولینس خراب کھڑی ہیں ایک این جی او کی سربراہ کا کہنا تھا کہ لاہور کے سرکاری اسپتال مفت ایمبولینس سروس فراہم کرنے میں ناکام ہو گئے۔ دوسری جانب محکمہ صحت کے ترجمان کا کہنا ہے کہ اس وقت کسی سرکاری اسپتال کے پاس ایمبولینس سروس موجود نہیں
-
سٹاک ایکسچینج میں تیزی، ڈالر بھی سستا ہو گیا
(سنگ میل نیوز)پاکستان اسٹاک ایکسچینج میں کاروبار کا مثبت رجحان دیکھنے میں آ یا، 100انڈیکس میں 248پوائنٹس کا اضافہ ہو گیا، ڈالر کی قدر میں مزید کمی ہو گئی۔
کاروبارکے دوران انڈیکس 77ہزار 989پوائنٹس پر ٹریڈ کرتے دیکھاگیا، واضح رہے کہ گزشتہ روز اسٹاک مارکیٹ میں کاروبار میں مندی رہی،
گزشتہ روز 100 انڈیکس 146 پوائنٹس کم ہوکر 77 ہزار 740 پر بند ہوا۔گزشتہ روز 100 انڈیکس 645 پوائنٹس کے بینڈ میں رہا۔
مارکیٹ میں 27 کروڑ 89 لاکھ شیئرز کے سودے ہوئے جن کی مالیت 13 ارب 9 کروڑ روپے سے زائد رہی۔ انٹربینک میں امریکی ڈالر کی قدر میں مزید کمی ہو گئی۔
کاروباری ہفتے کے آخری روز انٹر بینک میں امریکی کرنسی 16 پیسے سستی ہوگئی جس کے ساتھ انٹر بینک میں ڈالر 278 روپے 66 پیسے سے کم ہو کر 278 روپے 50 پیسے کا ہوگیا ہے۔
خیال رہے گزشتہ روز ڈالر انٹر بینک میں کاروبار کے اختتام پر278 روپے 66 پیسے پر بند ہوا تھا جبکہ گزشتہ روز اوپن مارکیٹ میں ڈالر 1 پیسہ کم ہوکر 280 روپے 49 پیسے کا ہو گیا تھا۔
-
پیٹرولیم مصنوعات کی قیمتوں میں کمی کااعلان
(سنگ میل نیوز )حکومت نے پیٹرولیم مصنوعات کی قیمتوں میں کمی کا اعلان کر دیا ۔ عالمی مارکیٹ میں کمی کےباعث حکومت وقت نے شہریوں کو سہولت دینے کا فیصلہ کیا ہے
جس کے تحت پیٹرول فی لیٹر 6 روپے 17 پیسے سستا کیا گیاہے جس کے بعد پیٹرول لی فی لیٹر نئی قیمت 269 روپے 43 پیسے ہو گئی ہے،
اسی طرح ہائی سپیڈ ڈیزل 10 روپے 86 پیسےسستا ہونے کے بعد 272 روپے 77 پیسے فی لیٹر ہو گیا ہے، مٹی کا تیل6 روپے 32 پیسے سستا ہونے کے بعد 177 روپے 39 پیسے فی لیٹر تک پہنچ گیا ہے
اور لائٹ ڈیزل 5 روپے 72 پیسے کمی کے بعد 160 روپے 53 پیسے فی لیٹر ہو گیا۔ وزیر اعظم شہباز شریف کی جانب سے قیمتوں میں کمی کی منظوری کے بعد وزارت خزانہ نے نوٹیفکیشن جاری کر دیا ہے
جس کے مطابق نئی قیمتوں کا اطلاق آج رات 12 بجے کے بعد ہو گا۔
-
ڈالر کی قدر میں کمی،سٹاک مارکیٹ میں تیزی
(سنگ میل نیوز ) ڈالر کے مقابلے پاکستانی روپے کی قدر میں معمولی بہتری آئی ہے۔
انٹر بینک میں امریکی ڈالر 6 پیسے سستا ہو گیا جس کے بعد انٹربینک میں امریکی ڈالر 278 روپے 66 پیسے سے کم ہو کر 278 روپے60 پیسے پر فروخت ہو رہا ہے۔
دوسری جانب پاکستان سٹاک مارکیٹ میں آج بھی کاروبار کا آغاز مثبت رجحان کے ساتھ ہوا ۔
کاروباری ہفتے کے تیسرے روز کاروبار کے آغاز پر پاکستان سٹاک مارکیٹ کے ہنڈرڈ انڈیکس میں 446 پوائنٹس کا اضافہ ہوا
جس کے بعد 100 انڈیکس79 ہزار 75 پوائنٹس کی سطح پر ٹریڈ کررہا ہے۔ یاد رہے کہ گزشتہ روز کاروبار کا اختتام منفی زون میں ہوا تھا،
دن کے اختتام پر 100 انڈیکس 199 پوائنٹس کی کمی کے ساتھ 78 ہزار 628 پوائنٹس کی سطح پر بند ہوا تھا۔
-
24 گھنٹے اےسی چلاؤ ،بل شرطیہ آدھا پاؤ، پاکستان میں نئی ڈیوائس آگئی
(سنگ میل نیوز) 24 گھنٹے اےسی چلاؤ ،بل شرطیہ آدھا آئے گا، بجلی بلوں سے پریشان پاکستانیوں کیلئے ڈیوائس مارکیٹ میں آگئی ۔
پاکستان پہلے ہی دنیا بھر میں جگاڑو ملک کے نام سے مشہور ہے، بجلی کے بلوں نے پوری پاکستانی عوام کی کمر توڑ کر رکھ دی ہے،
روز بروز بڑھتی ہوئی مہنگائی نے جہاں ہر شخص کا جینا دوبھر کر کے رکھ دیا ہے وہیں پاکستان کی جگاڑو عوام نے نیا جگاڑ لگا لیا ہے،
پاکستان کے ایک شہری نے ایسی ڈیوائس متعارف کرائی ہے جس کی بدولت بجلی کا بل شرطیہ آدھا آئے گا،
آپ اس ڈٖیوائس کے ذریعے 24 گھنٹے اےسی چلائیں اور بل بھریں 12 گھنٹے کا۔ اس ڈیوائس کے استعمال سے بل آدھا آتا ہے اس کا استعمال کیسے ہوتا ہے؟
اس کے فوائد کیا کیا ہیں ؟ انہوں نے ایک ایسے شہری سے ملاقات کی جس نے گھر میں یہ ڈیوائس لگائی ہوئی ہے، اینکر کے سوال کہ اس ڈیوائس کے استعمال سے واقع ہی بل آدھا آتا ہے؟
شہری نے جواب دیا کہ میں یہ ڈیوائس کافی مہینوں سے استعمال کر رہا ہوں، اس سے واقع ہی بل آدھا آتا ہے۔
جس کے جواب میں شہری کا کہنا تھا کہ اس کا سب سے بڑا فائدہ یہی ہے کہ بجلی کا بل آدھا آئے گا ، آپ دو گھنٹے اےسی اگر استعمال کرتے ہیں تو ایک یونٹ استعمال ہوگا،
شہری کا کہنا تھا کہ اس کے استعمال سے قبل آٹھ گھنٹے اےسی کے چلانے سے آٹھ سے دس یونٹ استعمال ہوتے تھے اور مہینے کا بل آٹھ سے دس ہزار روپے آتا تھا
مگر اب اس کے استعمال سے پانچ یونٹ استعمال ہوتے ہیں دن میں اور چار ہزار تک کا بل آتا ہے اگرچہ بجلی کی قیمت بہت بڑھ چکی ہے،
یہ ڈیوائس کمپریسر کو کم سے کم بجلی کےاستعمال کی اجازت دیتی ہے اور یہی وجہ ہے کہ بجلی کا بل کم سے کم آتا ہے۔ اینکر نے شہری سے سوال کیا کہ اس کو استعمال کیسے کیا جاتا ہے؟
جس کے جواب میں شہری نے ویڈیو میں دکھاتے ہوئے بتایا کہ ڈیوائس کے ساتھ ایک تھری پن جیک لگا ہوا ہوتا ہے اور اےسی کے انڈور پی سی بی کو لگانے کے لیے اس میں جگہ بنی ہوئی ہوتی ہے،
آپ اسے اےسی میں لگا دیں اور پھر بٹن آن کر دیں، بٹن کے آن کرتے ہی ڈیوائس میں لگی لائٹ آن ہوجائے گی جس کا مطلب ہے کہ اب اےسی پاور سیونگ موڈ میں چلا گیا ہے،
اس کے استعمال میں کوئی راکٹ سائنس نہیں چھپی ہوئی ہے، اس کا انتہائی آسان استعمال ہے اور اس کو لگانے کے لیے کسی کاریگر کو بلانے کی ہرگز ضرورت نہیں پڑتی،
ایک عام آدمی بھی اسے لگا سکتا ہے، جیسے ہی یہ اےسی کام کرنے لگے گا تو اےسی پہ یو ون (1.U) لکھا ہوا نظر آجائے گا۔
اینکر نے سوال کیا کہ اس کے استعمال پر واپڈا کو کوئی اعتراض تو نہیں ہوگا؟ جواب میں شہری کا کہنا تھا کہ دیکھیں یہ واپڈا سے جتنی بجلی لے گا اتنا ہی بل آئے گا تو واپڈا کو اس سے کوئی مسئلہ نہیں ہے،
یہ تو اےسی کو کم سے کم بجلی استعمال کرنے کی اجازت دیتا ہے، یہی وجہ ہے کہ بل بھی کم آتا ہے کیونکہ یونٹس کم سے کم استعمال ہوتے ہیں۔
-
ڈالر مہنگا،سٹاک مارکیٹ میں بھی تیزی
(سنگ میل نیوز ) انٹر بینک مارکیٹ میں کاروبار ی ہفتے کے پہلے روز ڈالر کی قیمت میں معمولی اضافہ ہواہے ۔
تفصیلات کے مطابق انٹر بینک مارکیٹ میں ڈالر 6 پیسے مہنگا ہونے کے بعد 278 روپے 40 پیسے کا ہو گیاہے ۔
دوسری جانب سٹاک مارکیٹ میں کاروبار کے آغاز کے بعد تیزی دیکھنے میں آئی ہے اور ہنڈرڈ انڈیکس میں 736 پوائنٹس کا اضافہ ہواہے ۔
کاروبار شروع ہو ا تو 100 انڈیکس 78 ہزار 29 پوائنٹس پر تھا جس میں اب تک 736 پوائنٹس کا اضافہ ہو چکاہے جس کے بعد انڈیکس 78 ہزار 765 پوائنٹس تک پہنچ گیاہے ۔
-
مہنگائی میں مسلسل اضافہ ،حکومت قابو پانے میں ناکام
(سنگ میل نیوز)نئے مالی سال کے چوتھے ہفتے میں بھی مہنگائی کو لگام نہ ڈالی جاسکی،اشیاء مزید مہنگی ہوگئیں۔
ادارہ شماریات کی رپورٹ کیمطابق ہفتہ وار مہنگائی 0.17 فیصد مزید بڑھ گئی، ملک میں مہنگائی کی مجموعی سالانہ شرح 20.09 فیصد ہوگئی۔
ادارہ شماریات نےمہنگائی سے متعلق ہفتہ وار رپورٹ جاری کردی ہے، رپورٹ میں بتایا گیا ہے کہ کونسی چیز ہفتے میں کتنی شرح سے مہنگی ہوئی ہے،
ایک ہفتے میں19 اشیائےضروریہ کی قیمتوں میں بڑا اضافہ ہوا ہے، حالیہ ہفتے 8 اشیاء سستی اور24 کی قیمتیں مستحکم رہیں۔
رپورٹ کے مطابق ایک ہفتے میں چکن 4.80 فیصد مہنگا ہوا، جبکہ لہسن 2.01 ،دال چنا 1.87 اور انڈے 1.71 فیصد مہنگے ہوئے ہیں،
حالیہ ہفتے بیف 0.93 اورگڑ کی قیمت میں 0.89 فیصد اضافہ ہوا، دال مونگ 0.84 اور تازہ دودھ کی قیمت میں 0.45 فیصد اضافہ ہوا ہے۔
مزید یہ کہ جلانےوالی لکڑی 0.23 اور سیگریٹس کی قیمتوں میں بھی 0.12 فیصد کا حیران کن اضافہ ہوا ہے،
ایک ہفتے میں ٹماٹر 9.19 اورپیاز 2.14 فیصد سستے ہوئےہیں، کیلے0.53 اور آٹے کی قیمت میں 0.35 فیصد کمی ہوئی ہے،
آلو کی قیمت میں 0.17 فیصد کی کمی رکارڈ کی گئی ہے،حالیہ ہفتے صرف ایل پی جی کی قیمت 1.04 فیصد کم ہوئی ہے۔
-
جماعت اسلامی کا دھرنا اور پی ٹی آئی کا احتجاج،اسلام آباد کے تمام راستے جزوی بلاک، میٹرو سروس بھی بند
(سنگ میل نیوز)اسلام آباد میں جماعت اسلامی کے دھرنے اور پی ٹی آئی کی احتجاج کی کال پر ریڈ زون اور راولپنڈی سے دارالحکومت آنے والے راستوں کنٹینر لگاکر جزوی طور پر بند کردیا گیا۔
فیض آباد کے مقام پر راولپنڈی جانے والے راستہ کنٹینرز لگا کر بند کر دیا گیا ہے اور مری روڈ پر چاندنی چوک اور سکستھ روڈ پر کنٹینر پہنچادیئے گئے ہیں،
ترجمان جماعت اسلامی کا کہنا ہے کہ بجلی کے بھاری بلوں اور مہنگائی کے خلاف دھرنا ضرور ہوگا اور قافلے اسلام آباد کی طرف رواں ہیں۔
امیر جماعت حافظ نعیم الرحمان اور نائب امیر لیاقت بلوچ اسلام آباد موجود ہیں، لیاقت بلوچ کے گھر چھاپے میں دو ملازمین کو حراست میں لے لیا گیا،
جماعت اسلامی نے لاہور، گجرات، وہاڑی، سرگودھا، حافظ آباد اور فیصل آباد سے متعدد کارکنان کو حراست میں لئے جانے کا دعویٰ کیا ہے۔
دوسری جانب پی ٹی آئی نے بانی پی ٹی آئی، گرفتار کارکنوں کی رہائی اور مہنگائی کیخلاف احتجاج کا اعلان کیا ہے۔
علاوہ ازیں انتظامیہ کا کہنا ہےکہ احتجاج کے پیش نظر اسلام آباد میں میٹروبس سروس بند کردی گئی ہے، میٹروبس سروس آئی جے پی سے پاک سیکرٹریٹ تک بند کی گئی۔
انتظامیہ کے مطابق راولپنڈی میں میٹروبس سروس بحال ہے اور فیض آباد سےصدر تک میٹرو بس سروس چل رہی ہے۔