بانی پی ٹی آئی کے احتجاج کی کال پر پی ٹی آئی رہنماؤں کے اختلافات کی اندرونی کہانی

بانی پی ٹی آئی عمران خان کی جانب سے 24 نومبر کو دی گئی احتجاج کی کال پر پی ٹی آئی رہنماؤں کے اختلافات کی اندرونی کہانی سامنے آگئی ذرائع کا کہنا ہے کہ عمر ایوب اور پی ٹی آئی کے سرکردہ رہنما فوری احتجاج کے مخالف تھے تاہم عمر ایوب کا پیغام ملنے کے باوجود بانی پی ٹی آئی نے احتجاج کی تاریخ دے دی ذرائع کے مطابق پی ٹی آئی کے رہنما چاہتے تھے کہ تیاری کے بعد احتجاج کی تاریخ کا اعلان کیا جائے، عمر ایوب اور دوسرے رہنما بانی پی ٹی آئی سے مل کر انہیں قائل کرنا چاہتے تھےذرائع کا بتانا ہے کہ عمر ایوب اور دوسرے رہنماؤں کو پولیس نے حراست میں لے لیا اور بانی پی ٹی آئی کی ان سے ملاقات نہ ہوسکی ذرائع کے مطابق ملاقات نہ ہونے پر عمر ایوب کا پیغام بانی پی ٹی آئی کو پہنچایا گیا لیکن وہ نہیں مانے