اے پی این ایس کی ایگزیکٹو کمیٹی کی وزیر اطلاعات پنجاب سے ملاقات

آل پاکستان نیوز پیپرز سوسائٹی (اے پی این ایس) کی ایگزیکٹو کمیٹی نے وزیر اطلاعات پنجاب عظمیٰ بخاری سے ملاقات کرکے اخباری صنعت کے مسائل پر تبادلہ خیال کیاملاقات میں عظمیٰ بخاری نے اے پی این ایس رہنماؤں کو مسائل حل کروانے کی یقین دہانی کرواتے ہوئے اخبارات کو ٹینڈر نوٹس کے اجرا کی بحالی کا اعلان کیاملاقات میں صوبائی وزیراطلاعات کا کہنا تھا کہ وزیراعلیٰ پنجاب نے اخباری صنعت کو درپیش مسائل حل کرنے کا کہا ہے، اخبارات کو ایک ارب 18 کروڑ کی ادائیگیاں کی جاچکی ہیں، زیر التوا ادائیگیاں بھی جلد کردی جائیں گئیں صوبائی وزیر اطلاعات نے اخبارات کو ادائیگی کا پرانا طریقہ کار بحال کرنے کی یقین دہانی کرواتے ہوئے کہا کہ مریم نواز ایسی کوئی پالیسی نہیں چاہتیں جس سے اخباری صنعت کو نقصان ہواے پی این ایس کے وفد نے اخباری صنعت کے مسائل حل کرنے پر وزیر اعلیٰ پنجاب مریم نواز اور عَظمیٰ بخاری کا شکریہ ادا کیا