کے پی پولیس نے پی ٹی آئی احتجاج میں مظاہرین کے آنسوگیس استعمال کرنے کی چھان بین شروع کردی

پشاور پولیس کے سربراہ نے پولیس افسران اور متعلقہ حکام سے آنسوگیس اسٹاک اور گزشتہ ایک ہفتےکے دوران ان کےاستعمال کی تفصیلات طلب کرلیں سینٹرل پولیس آفس کی جانب سے تمام ڈی آئی جیز اور دیگر یونٹس کے سربراہان کو باضابطہ خط لکھ کرپولیس کی غیر جانبداری کو برقرار رکھنے کے لیے آنسو گیس اسٹاک سے متعلق تفصیلات مانگ لی گئی ہیں خط میں کہا گیا ہےکہ محکمہ پولیس کے غیر سیاسی رہنے سے متعلق 21 نومبرکو خط لکھا گیا تھا، خبریں آئی ہیں کہ اسلام آبادمیں مظاہرین نے مبینہ طورپر آنسو گیس کا استعمال کیا، آنسوگیس کے اسٹاک اور گزشتہ ایک ہفتے کے دوران ان کے استعمال کی تفصیلات دی جائیں خط میں مزید کہا گیا ہےکہ پولیس کی غیر جانبداری کو برقرار رکھنے کے لیے آنسو گیس اسٹاک سے متعلق تفصیلات فراہم کی جائیں خط کے مطابق ایڈیشنل آئی جی لاجسٹکس کے دفتر میں ایک ٹیم کو تفصیلات کے حصول کے لیے تعینات کیا جائے گا