مریم نواز نے ’پیرا‘ میں تعیناتیوں اور قواعد وضوابط سمیت دیگر امور کی منظوری دیدی

وزیراعلیٰ پنجاب مریم نوازکی زیرِ صدارت پنجاب انفورسمنٹ اینڈ ریگولیٹری اتھارٹی (پیرا) کے پہلے اجلاس میں اتھارٹی کے قیام، تعیناتیوں اور قواعد و ضوابط سمیت دیگر امور کی منظوری دیدی گئی اجلاس میں وزیراعلیٰ پنجاب نے پنجاب انفورسمنٹ اینڈ ریگولیٹری اتھارٹی کو 3 ماہ میں فنکشنل کرنے کا ہدف دیتے ہوئے آپریشن اور پروسیجر اینڈ ریگولیشن 2024 کا جائزہ لینے کیلئے خصوصی کمیٹی قائم کر دی اجلاس میں پیرا سے متعلق کمیٹیوں کے قیام کے علاوہ ہیڈ کوارٹر، ڈویژن، ڈسٹرکٹ اور تحصیل سطح پر بھرتیوں، تبادلوں اور ڈیپوٹیشن پالیسی کی بھی منظوری دی گئی اجلاس میں بتایا گیا کہ ہر تحصیل میں سب ڈویژنل انفورسمنٹ آفیسر، انویسٹی گیشن آفیسر، سینیئر سارجنٹ اور سارجنٹ تعینات کئے جائیں گے