عمران خان کا حکومت کی معیشت کی بہتری کا اعتراف، پی ٹی آئی کے رہنما اڈیالہ جیل پہنچ گئے

پاکستان تحریک انصاف کے بانی چیئرمین عمران خان نے تسلیم کیا ہے کہ موجودہ حکومت نے دیوالیہ ہوتی معیشت کو سنبھال لیا ہے۔ اڈیالہ جیل راولپنڈی میں پیشی کے دوران صحافی کے سوال پر عمران خان نے کہا کہ حکومت نے معیشت کو مستحکم کیا جس کے نتیجے میں پاکستان دیوالیہ ہونے سے بچ گیا ہے، تاہم ان کے مطابق معیشت میں ترقی کی کوئی اہم تبدیلی نہیں آئی۔

اس موقع پر عمران خان سے ملاقات کے لیے پی ٹی آئی کی مذاکراتی کمیٹی کے ارکان بھی اڈیالہ جیل پہنچ گئے۔ ملاقات کے لیے آنے والوں میں علی امین گنڈا پور، اسد قیصر، عمر ایوب، صاحبزادہ حامد رضا اور راجہ ناصر عباس شامل ہیں۔