تیونس میں تارکین وطن کی دو کشتیاں ڈوبنے کے نتیجے میں 27 افراد ہلاک ہوگئے، جن میں خواتین اور بچے بھی شامل ہیں۔ یہ حادثہ سیفکس (Sfax) شہر کے قریب پیش آیا جہاں افریقی ممالک سے تعلق رکھنے والے تارکین وطن یورپ کی جانب غیر قانونی سفر پر تھے۔
تیونس کے نیشنل گارڈ حکام کے مطابق 83 افراد کو بچا لیا گیا، جبکہ 15 زخمی افراد کو فوری طور پر اسپتال منتقل کر دیا گیا۔ بچائے گئے افراد اور ہلاک ہونے والوں کو کوسٹ گارڈ حکام کے حوالے کیا گیا۔
یہ حادثہ تیونس میں غیر قانونی طور پر یورپ پہنچنے کی کوشش کرنے والے تارکین وطن کے لیے نیا نہیں ہے، کیونکہ یہاں اکثر ایسی کشتیاں حادثات کا شکار ہوتی ہیں۔ گزشتہ ماہ بھی دو مختلف حادثات میں 30 تارکین وطن کی لاشیں برآمد ہوئیں تھیں۔
یہ واقعہ تارکین وطن کی خطرناک اور غیر قانونی سمندری سفر کی حقیقت کو مزید اجاگر کرتا ہے، جو نہ صرف ان کے لیے زندگی کے لیے خطرہ بنتی ہے بلکہ علاقے میں انسانی بحران کو بھی بڑھاتی ہے۔
Leave a Reply