اسحاق ڈار کی وزیراعلیٰ سندھ کو فنڈز کی بروقت فراہمی کی یقین دہانی

اسلام آباد: ڈپٹی وزیراعظم محمد اسحاق ڈار نے سندھ کے وزیراعلیٰ مراد علی شاہ کو یقین دلایا ہے کہ صوبے میں تمام منظور شدہ منصوبوں کے لیے فنڈز بروقت فراہم کیے جائیں گے۔یہ یقین دہانی انہوں نے آج (بدھ) کو اسلام آباد میں وزیراعلیٰ سندھ سے ملاقات کے دوران دی۔ملاقات میں سندھ کے عوامی شعبے کے ترقیاتی پروگرام میں شامل جاری ترقیاتی منصوبوں کا تفصیل سے جائزہ لیا گیا۔اجلاس میں منصوبوں کی منظوری، فنڈز کی تقسیم اور عملدرآمد سے متعلق مسائل پر بھی غور کیا گیا، خاص طور پر سڑکوں کی رابطہ کاری، پانی کے ذخائر، تعلیمی اداروں کی انفراسٹرکچر اور رہائش سے متعلق منصوبوں پر تبادلہ خیال کیا گیا۔انہوں نے اس بات پر اتفاق کیا کہ منظور شدہ لاگت میں منصوبوں کی بروقت تکمیل سندھ کے ترقی اور عوام کی بہتری کے لیے ضروری ہے۔اسحاق ڈار نے مزید یقین دہانی کرائی کہ جاری منصوبوں کی لاگت میں کسی بھی اضافے پر سی ڈی ڈبلیو پی اور ای سی این ای سی کے ذریعے فوری طور پر غور کیا جائے گا اور فیصلہ کیا جائے گا۔