وزیراعظم کااسپین کشتی حادثے میں پاکستانیوں کے ہلاکت پر اظہارِ افسوس

اسلام آباد: وزیراعظم پاکستان شہباز شریف نے جمعرات کو ویسٹ افریقہ سے اسپین جانے والی کشتی کے حادثے پر گہرے رنج و غم کا اظہار کیا۔وزیراعظم نے حادثے میں جاں بحق ہونے والے پاکستانیوں کے درجات کی بلندی کے لیے دعا کی اور ان کے اہل خانہ سے اظہار تعزیت کیا۔انہوں نے واقعے کی تفصیلات طلب کرتے ہوئے متعلقہ حکام سے رپورٹ مانگ لی۔وزیراعظم نے انسانوں کی اسمگلنگ کے مکروہ دھندے میں ملوث افراد کے خلاف سخت کارروائی کا حکم دیا۔انہوں نے کہا کہ اس معاملے میں کسی قسم کی غفلت برداشت نہیں کی جائے گی اور حکومت انسانوں کی اسمگلنگ کے خلاف ٹھوس اقدامات کر رہی ہے۔