صدر آصف علی زرداری کی تیراہ میں دہشتگردوں کی ہلاکت پر فورسز کی تعریف

اسلام آباد: صدر آصف علی زرداری نے جمعہ کے روز خیبر کے ضلع تیراہ میں سیکیورٹی فورسز کی جانب سے پانچ دہشت گردوں کو ہلاک کرنے کے آپریشن کی تعریف کی۔انہوں نے سیکیورٹی فورسز کی بہادری کو سراہا جنہوں نے خوارج کے رہنما عبیداللہ سمیت پانچ خوارجی عناصر کو ایک انٹیلی جنس بیسڈ آپریشن کے دوران ہلاک کیا۔صدر نے عزم ظاہر کیا کہ ملک سے فتنہ خوارج کو مکمل طور پر ختم کیا جائے گا۔انہوں نے کہا کہ سیکیورٹی فورسز دہشت گردی کے ناسور کے خاتمے کے لیے آپریشنز جاری رکھے ہوئے ہیں۔صدر نے مزید کہا کہ پوری قوم دہشت گردی کے خلاف متحد ہے اور آپریشن فتنہ خوارج کے مکمل خاتمے تک جاری رہے گا۔