عمران خان اور بشریٰ بی بی نے 190 ملین پاؤنڈ کیس کے فیصلے کے خلاف اپیل کے وکالت نامے پر دستخط کر دیئے

راولپنڈی: پاکستان تحریک انصاف (پی ٹی آئی) کے بانی عمران خان اور ان کی اہلیہ بشریٰ بی بی نے 190 ملین پاؤنڈ کیس کے فیصلے کے خلاف اپیل دائر کرنے کے لیے وکالت نامے پر دستخط کر دیئے ہیں۔ یہ وکالت نامے اڈیالا جیل میں کیس کی سماعت کے دوران دستخط کروائے گئے، جہاں عمران خان اور بشریٰ بی بی نے قانونی کارروائی کو آگے بڑھانے کے لیے وکلاء کے ساتھ مشاورت کی۔ اپیل کی تیاری کے سلسلے میں بیرسٹر سلمان صفدر، سلمان اکرم راجہ اور خالد یوسف چوہدری عمران خان کے وکیل ہوں گے۔خالد یوسف چوہدری نے میڈیا سے گفتگو کرتے ہوئے کہا کہ 190 ملین پاؤنڈ کیس کے فیصلے کے خلاف اپیل آئندہ ایک یا دو دن میں اسلام آباد ہائی کورٹ میں دائر کر دی جائے گی۔ انہوں نے مزید کہا کہ عدالت سے توقع ہے کہ اپیل کی سماعت جلد شروع کی جائے گی۔یاد رہے کہ احتساب عدالت نے 190 ملین پاؤنڈ ریفرنس میں عمران خان کو 14 سال جبکہ بشریٰ بی بی کو 7 سال قید بامشقت کی سزا سنائی تھی۔ یہ کیس ان کے اثاثوں اور غیر قانونی مالی سرگرمیوں سے متعلق تھا۔اس فیصلے کے خلاف عمران خان اور بشریٰ بی بی نے اپیل دائر کرنے کا فیصلہ کیا ہے تاکہ اپنے خلاف آنے والے فیصلے کے حوالے سے قانونی جائزہ لیا جا سکے اور ان کی صفائی پیش کی جا سکے۔