سیرینا چوک انٹرچینج کا افتتاح منگل 4فروری کو ہوگا:محسن نقوی

اسلام آباد: وزیر داخلہ محسن نقوی نے آج (بدھ) کو اسلام آباد میں سیرینا چوک انٹرچینج کے تعمیراتی مقام کا دورہ کرتے ہوئے اعلان کیا کہ سیرینا چوک انٹرچینج کا افتتاح اگلے منگل4فروری کو کیا جائے گا۔ انہوں نے بتایا کہ اس منصوبے کے دو انڈرپاسز پر تکمیلی کام جاری ہے اورتعمیراتی کام تیز رفتاری سے کیا جا رہا ہے۔ محسن نقوی نے تکمیلی کام کو جلد مکمل کرنے کی ہدایت دی۔ انہوں نے کہا کہ منصوبے کے ارد گرد خوبصورت باغبانی اور دلکش روشنیوں کی تنصیب کی جائے گی۔ وزیر داخلہ نے مزید ہدایت دی کہ لنک روڈز کی تعمیر کا کام تیز رفتار سے مکمل کیا جائے۔