گرینڈ اپوزیشن الائنس ، تحریک انصاف نے جے یو آئی سے ٹی او آرز مانگ لئے

پشاور: پاکستان تحریک انصاف اور جمعیت علمائے اسلام (ف) کے قیادت کے درمیان گزشتہ رات ہونے والی ملاقات کی اندرونی کہانی سامنے آ گئی۔ذرائع کے مطابق تحریک انصاف نے جے یو آئی سے اتحاد کے لئے ٹی او آرز مانگ لئے، جمعیت علمائے اسلام کے ٹی او آرز پر بانی پی ٹی آئی سے مشاورت کی جائے گی۔ذرائع کا کہنا ہے کہ جمیعت علمائے اسلام نے ٹی او آرز پر مولانا فضل الرحمن سے مشاورت کے لئے وقت مانگا ہے۔پی ٹی آئی کے ذرائع نے بتایا ہے کہ جے یو آئی (ف) سے اتحاد انتخابی نہیں بلکہ سیاسی ہو گا، بانی پی ٹی آئی عمران خان چاہتے ہیں ملکی صورتحال پر مولانا گرینڈ اپوزیشن الائنس کا حصہ بنیں۔