فلسطینیوں سے اظہار یکجہتی کیلئے دنیا بھر میں یوم القدس آج منایا جارہا ہے

اسلام آباد: پاکستان سمیت دنیا بھر میں مسلمان فلسطینیوں سے اظہار یکجہتی کیلئے آج یوم القدس منارہے ہیں ، بیت المقدس کی آزادی کے لیے نماز جمعہ میں خصوصی دعائیں مانگی گئیں۔نمازجمعہ کے بعد فلسطینیوں کی حمایت میں اسلام آباد ، راولپنڈی ، کراچی ، پشاور اور لاہور سمیت مختلف شہروں میں ریلیاں نکالی گئیں ،اسرائیلی بربریت کا شکار فلسطینیوں کی حمایت میں تقاریب کا انعقاد بھی کیا جارہا ہے۔کراچی میں یوم القدس کی ریلی نمائش چورنگی سے تبت سینٹر تک نکالی گئی ، ٹریفک پولیس نے شہریوں کو ایم اے جناح روڈ کے بجائے متبادل روٹ استعمال کرنے کی ہدایت کی ہے۔