نئی دہلی: بھارتی سپریم کورٹ نے سائن بورڈ پر اردو زبان کے استعمال کے خلاف درخواست مسترد کرتے ہوئے ممبئی ہائیکورٹ کا فیصلہ برقرار رکھا ہے۔بھارتی سپریم کورٹ نے ریاست مہاراشٹرا میں میونسپل کونسل کے نام والے بورڈ پر اردو کے استعمال کو چیلنج کرنے والی درخواست مسترد کر دی اور ممبئی ہائیکورٹ کا فیصلہ برقرار رکھا۔عدالت نے کہا کہ علاقے میں اردو بولنے والے ہیں تو سرکاری زبان مراٹھی کے ساتھ اردو کے سائن بورڈ میں کوئی حرج نہیں ہے۔سپریم کورٹ کے 2 رکنی بینچ نے دوران سماعت کہا کہ اردو زبان رابطے کا مؤثر ذریعہ ہے، اردو سے دوستی کریں، اردو بھارت میں نئی نہیں، اردو نے یہیں جنم لیا ، یہیں پلی بڑھی اور فروغ پائی ہے، اردو سمیت ساری زبانوں سے دوستی کریں۔واضح رہے کہ خاتون کی جانب سے میونسپل کونسل کے نام والے بورڈ پر مراٹھی کے ساتھ اردو کے استعمال کو چیلنج کیا گیا تھا۔
Leave a Reply