اسلام آباد سمیت مختلف شہروں میں زلزلے کے شدید جھٹکے

اسلام آباد سمیت مختلف شہروں میں زلزلے کے شدید جھٹکے محسوس کئے گئے۔لوگ کلمہ طیبہ کا ورد کرتے ہوئے گھروں سے باہر نکل آئے۔ اسلام آباد کے علاوہ پشاور، مالاکنڈ، ایبٹ آباد اور مختلف علاقوں میں زلزلے کے جھٹکے محسوس کئے گئے۔راولپنڈی، لاہور، تلہ گنگ، رینالہ خورد، حسن ابدال، فیروزوالہ، باغ ، وادی نیلم، مردان، دیر بالا، ہری پور، خان پور، ٹیکسلا اور چنیوٹ میں بھی زلزلے کے شدید جھٹکے محسوس کیے گئے۔ خیبر، شرقپور، پنڈ دادن خان، فیصل آباد، گلگت بلتستان ، نوشہرہ ،چارسدہ، کوہاٹ اور خوشاب میں بھی زلزلہ محسوس کیا گیا۔زلزلہ پیما مرکز کے مطابق ریکٹر اسکیل پر زلزلے کی شدت 5.9 ریکارڈ کی گئی ،گہرائی 94 کلومیٹر تھی۔ زلزلےکا مرکز افغانستان اور تاجکستان بارڈر تھا۔