اسرائیلی فورسز کے مظلوم فسطینیوں پر وحشیانہ حملے جاری، مزید 39 شہید

غزہ: غزہ کے مظلوم اور نہتے فلسطینیوں پر اسرائیلی فورسز کے وحشیانہ حملے تھم نہ سکے ، گزشتہ 24 گھنٹوں میں اسرائیلی حملوں مزید 39 فلسطینی شہید اور متعدد زخمی ہوگئے۔عرب میڈیا کے مطابق خان یونس کے قریب المواسی کیمپ پر اسرائیلی فضائی حملے میں متعدد فلسطینی شہید ہوئے، شہدا کی مجموعی تعداد 51 ہزار 240 ہوگئی جبکہ 1 لاکھ 16 ہزار 931 فلسطینی زخمی ہوچکے ہیں۔دوسری جانب اسرائیلی فوج نے 15 فلسطینی امدادی کارکنوں کی ہلاکت کو پیشہ ورانہ ناکامی قرار دیدیا، غزہ سول ڈیفنس اور ریڈ کریسنٹ نے اسرائیلی فوج کی انکوائری کے نتائج مسترد کرتے ہوئے یو این کارکنوں کے قتل کی آزادانہ تحقیقات کا مطالبہ کردیا ہے۔