وزارت مذہبی امور نے حج پروازوں کے شیڈول کیلئے ہیلپ لائن قائم کر دی

اسلام آباد: ائیرپورٹس کی بندش کے پیش نظر وزارت مذہبی امور نے حج پروازوں کے شیڈول کیلئے ہیلپ لائن قائم کر دی۔وزارت مذہبی امور نے وفاقی وزیر سردار محمد یوسف کی ہدایت پر عازمین حج کی سہولت کے لیے ہیلپ لائن قائم کر دی ہے جو گھنٹے کام کرے گی۔ترجمان وزارت مذہبی نے کہا کہ یہ ہیلپ لائن حج پروازوں کے شیڈول اور دیگر اہم معلومات کے حوالے سے تازہ ترین اطلاعات فراہم کرے گی۔ اس ہیلپ ڈیسک کی نگرانی ڈائریکٹر آئی ٹی جمیل الرحمان کر رہے ہیں جبکہ اس کا عملہ دو شفٹوں میں کام کرے گا،عازمین حج کسی بھی وقت ہیلپ لائن پر کال کرکے اپنی پرواز، شیڈول اور روانگی سے متعلق معلومات حاصل کر سکتے ہیں۔ترجمان وزارت مذہبی امور کا کہنا تھا کہ عازمین حج کو مشورہ دیا جاتا ہے کہ وہ متعلقہ حاجی کیمپ سے بھی مسلسل رابطے میں رہیں تاکہ کسی بھی ممکنہ تبدیلی یا اطلاع سے بروقت آگاہ رہ سکیں۔