آرمی چیف جنرل عاصم منیر کا دورہ سی ایم ایچ، آپریشن بنیانُ مرصوص کے زخمیوں کی عیادت

راولپنڈی: چیف آف آرمی اسٹاف (سی او اے ایس) جنرل سید عاصم منیر، نشانِ امتیاز (ملٹری)، نے آج کمبائنڈ ملٹری اسپتال (سی ایم ایچ) راولپنڈی کا دورہ کیا، جہاں انہوں نے مارکہِ حق / آپریشن بنیانُ مرصوص کے دوران زخمی ہونے والے فوجی جوانوں اور معصوم شہریوں کی عیادت کی۔آرمی چیف نے انفرادی طور پر تمام زخمیوں سے ملاقات کی، ان کی بہادری اور فرض شناسی کو سراہا، اور پاکستان کی مسلح افواج کی جانب سے ان کے علاج، بحالی اور فلاح و بہبود کے لیے مکمل عزم کا اعادہ کیا۔جنرل عاصم منیر نے کہاکہہمارے شہریوں اور فوجیوں کی جرات و قربانی پاکستان کی سلامتی کی بنیاد ہے۔ پوری قوم اپنی مسلح افواج کے ہر سپاہی کے ساتھ پُرعزم یکجہتی میں کھڑی ہے۔انہوں نے اس عزم کا اظہار کیا کہ پاکستان کی مسلح افواج کے حوصلے کو کوئی بھی دشمن سازش متزلزل نہیں کر سکتی۔ آرمی چیف کا کہنا تھا کہ مارکہِ حق / آپریشن بنیانُ مرصوص کے دوران مسلح افواج کا پرعزم، متحد اور بروقت ردعمل، عوام کی غیر متزلزل حمایت کے ساتھ، ملکی عسکری تاریخ کا ایک اہم باب بن چکا ہے۔