چین کے تجزیہ کار وکٹر گاؤ نے بھارت کو پانی کے معاملے پر خبردار کر دیا

بیجنگ: چین کے معروف تجزیہ کار وکٹر گاؤ نے بھارت کو واضح پیغام دیا ہے کہ چین پاکستان کے پانی کے پرامن استعمال اور علاقائی خودمختاری کے دفاع کے حق کی خلاف ورزی برداشت نہیں کرے گا۔ بھارتی نیوز چینل کو دیے گئے انٹرویو میں انہوں نے علاقائی دریاؤں کے پانی کی منصفانہ تقسیم کے لیے پرامن طریقوں کی ضرورت پر زور دیا۔ وکٹر گاؤ نے بھارت کی آبی جارحیت کی مذمت کرتے ہوئے کہا کہ دوسروں کے ساتھ وہی سلوک کرنا چاہیے جو خود آپ چاہتے ہیں کہ دوسرا آپ کے ساتھ کرے۔ انہوں نے واضح کیا کہ بھارت خطے میں درمیانی دھارے میں ہے جبکہ چین بالائی دھارے میں، اس لیے بھارت کے لیے مشترکہ پانیوں میں مداخلت مناسب نہیں ہوگی۔ انہوں نے اس بات پر زور دیا کہ پانی کے مسائل پر اشتعال انگیزی سے بچنا چاہیے تاکہ خطے میں امن برقرار رکھا جا سکے۔