حضرت داتا گنج بخش عرس تقریبات، لاہور میں 15 اگست کو عام تعطیل کا اعلان

لاہور(سنگ میل نیوز)حضرت داتا گنج بخش عرس کے موقع پر لاہور میں 15 اگست کو عام تعطیل کا اعلان کردیا گیا ۔نوٹیفکیشن کے مطابق 15 اگست بروز جمعہ لاہور میں چھٹی ہوگی ،لاہور میں 14 اگست یوم آزادی اور 15 اگست کے ساتھ ہفتہ اتوار سمیت 4 دن کی تعطیلات ہوں گی۔دوسری جانب اسلام آباد میں مقامی سطح پر کل عام تعطیل کا اعلان کر دیا گیا ہے۔یوم آزادی کے سلسلے میں وفاقی دارالحکومت میں 13 اگست کو بھی چھٹی ہوگی۔اسلام آباد کی حدود میں تمام اسکول، کالجز، جامعات اور نجی کاروباری اِدارے و دفاتر بند رہیں گے۔ اس طرح وفاقی دارالحکومت کے باسی لگاتار دو چھٹیوں سے مستفید ہوں گے۔ اسلام آباد انتظامیہ کی جانب سے کل بروز بدھ 13 اگست کو مقامی سطح پر تعطیل کا نوٹیفکیشن بھی جاری کر دیا گیا ہے۔