صحت کی بہتر سہولیات کیلئے ہرممکن اقدامات کر رہے ،مصطفی کمال

اسلام آباد :وفاقی وزیر قومی صحت مصطفی کمال سے ورلڈ بینک کے وفد نے گزشتہ روز ملاقات کی ،پاکستان کے نظام صحت کو مضبوط بنانے کے لیے جاری اقدامات، چیلنجز پر تبادلہ خیال کیا گیا۔ مصطفی کمال نے کہا کہ نیشنل ہیلتھ سپورٹ پروگرام کے مؤثر نفاذ کو یقینی بنانے کے لیے ورلڈ بینک پروگرام کی مدت میں ایک سال کی توسیع کرے ، ورلڈ بینک کی درخواست پر مصطفیٰ کمال نے انٹر منسٹریل ہیلتھ اینڈ پاپولیشن کونسل کو فوری طور پر دوبارہ فعال کرنے کی ہدایت دی، انہوں نے کہا کہ بین الصوبائی وزارتی اجلاس اسی ہفتے طلب کیا جائے تاکہ پالیسی سطح پر مربوط مشاورت کو یقینی بنایے ،یونیورسل ہیلتھ کوریج سے متعلق اجلاس بھی اسی ہفتے بلایا جائے ، ورلڈ بینک وفد نے آئندہ 2سے 3ماہ میں ایک ڈونر کانفرنس کے انعقاد کی تجویز پیش کی ،وفاقی وزیر نے اس تجویز کا خیر مقدم کیا ۔