الیکشن کمیٹی سے مذاکرات کامیاب، پاکستان اور آزاد کشمیر کی جیت ہوئی: حکومتی رہنما

اسلام آباد: حکومتی کمیٹی نے کہا کہ عوامی الیکشن کمیٹی سے مذاکرات کامیاب ہونے پر پاکستان اور آزاد کشمیر کی جیت ہوئی۔وزیرِ اعظم محمد شہباز شریف کی جانب قائم کردہ حکومتی کمیٹی نے مظفرآباد سے کامیاب مذاکرات کے بعد اسلام آباد پہنچ کر میڈیا سے خصوصی گفتگو کی وفاقی وزیر منصوبہ بندی احسن اقبال کا امیر مقام ، طارق فضل چودھری،راجہ پرویز اشرف کے ہمراہ مشترکہ پریس کانفرنس کرتے ہوئے کہنا تھا کہ آزادکشمیرمیں عوامی ایکشن کمیٹی سے مذاکرات کامیاب ہوگئے۔اُنہوں نے کہا کہ انتظامی ڈھانچے میں کمی، کوتاہی کو دور کیا جانا چاہیے، معاہدے سے پاکستان اور آزادکشمیر دونوں کی جیت ہوئی ہے جس کی کامیابی پر آزادکشمیر کے عوام مبارکباد کے مستحق ہیں۔امیر مقاموفاقی وزیر برائے امورِ کشمیرو گلگت بلتستان امیر مقام کا کہنا تھا کہ بھارت کی کشمیر میں خونریزی کی خواہش کبھی پوری نہیں ہوگی، مذاکرات کی کامیابی پر وزیراعظم شہبازشریف کے مشکور ہیں، دونوں فریقین کے درمیان خوش اسلوبی سے معاملات طے پاگئے ہیں۔