سٹاک مارکیٹ میں مندی ، ہنڈرڈ انڈیکس میں 907 پوائنٹس کی کمی

کراچی: پاکستان سٹاک مارکیٹ میں ہنڈرڈ انڈیکس ایک لاکھ 66 ہزار پوائنٹس کی نفسیاتی حد کھو بیٹھا۔کاروباری ہفتے کے تیسرے روز کاروبار آغاز پر سٹاک ایکسچینج میں تیزی دیکھنے میں آئی، 700 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 66 ہزار 947 پوائنٹس کی سطح پر پہنچ گیا۔بعدازاں پاکستان سٹاک ایکسچینج منفی زون میں چلی گئی جس کے باعث کاروباری روز کے اختتام پر 907 پوائنٹس کی کمی کے ساتھ ہنڈرڈ انڈیکس ایک لاکھ 65 ہزار 266 پوائنٹس کی سطح پر بند ہوا۔واضح رہے کہ گزشتہ کاروباری روز کے اختتام پر انڈیکس 1578 پوائنٹس کی کمی کیساتھ ایک لاکھ 66 ہزار 173 پوائنٹس کی سطح پر بند ہوا تھا۔