علی پرویز ملک کی بنگلادیش میں اہم ملاقاتیں، مختلف شعبوں میں تعاون بڑھانے پر اتفاق

ڈھاکا: وفاقی وزیر پٹرولیم علی پرویز ملک نے ڈھاکا میں بنگلہ دیش کے اعلیٰ حکام کے ساتھ اہم ملاقاتیں کیں۔ترجمان پٹرولیم ڈویژن کی جانب سے جاری بیان کے مطابق وفاقی وزیر نے مشیر برائے امور خارجہ محمد توحید حسین سے ملاقات کی۔دونوں فریقوں کی طرف سے پاکستان اور بنگلہ دیش کے درمیان ادارہ جاتی میکانزم کے اجلاسوں کی بحالی پر اظہار اطمینان اور رابطہ، توانائی اور قدرتی وسائل سمیت مختلف شعبوں میں تعاون کے مواقع کو مزید بڑھانے پر اتفاق کیا گیا۔اس موقع پر بنگلہ دیشی مشیر خارجہ نے پاکستان اور بنگلہ دیش کے درمیان براہ راست پروازوں کی بحالی کی اہمیت پر زور دیا۔