نومبرکے آخر میں چیئرمین جوائنٹ چیفس آف سٹاف کمیٹی کا عہدہ ختم کررہے ہیں: اعظم تارڑ

اسلام آباد: وزیر قانون سینیٹر اعظم نذیر تارڑ کا کہنا ہے کہ رواں ماہ کی 27 کو چیئرمین جوائنٹ چیفس آف سٹاف کمیٹی کا عہدہ ختم کر رہے ہیں۔سینیٹ میں اظہار خیال کرتے ہوئے وزیر قانون اعظم نذیر تارڑ نے کہا کہ 27 آئینی ترمیم میں مارشل آف ائیرفورس اور مارشل آف نیول فورس کے ٹائٹل متعارف کرانے کی تجویز ہے اور یہ ٹائٹل دینے کا اختیار وزیراعظم کا نہیں ہوگا بلکہ پارلیمنٹ کا ہوگا۔انہوں نے کہا کہ فیلڈ مارشل کے رینک اور ٹائٹل کو آئینی تحفظ حاصل ہوگا اور یہ ٹائٹل واپس لینے کا اختیار بھی پارلیمان کا ہوگا، تجویز ہے کہ آرمی چیف، چیف آف ڈیفنس فورسز ہوں گے۔