ہفتہ وار مہنگائی کی شرح 0.03 فیصد کمی ریکارڈ

اسلام آباد: وفاقی ادارہ شماریات نے مہنگائی سے متعلق ہفتہ وار رپورٹ جاری کر دی، ہفتہ وار بنیادوں پر مہنگائی میں 0.03 فیصد کمی ریکارڈ کی گئی۔رپورٹ کے مطابق ملک میں مہنگائی کی مجموعی سالانہ شرح .90 فیصد پر آگئی ہے، ایک ہفتے میں 12 اشیائے ضروریہ کی قیمتوں میں اضافہ ہوا جبکہ 10 اشیاء سستی اور 29 کی قیمتیں مستحکم رہیں۔ادارہ شماریات کے مطابق گزشتہ ہفتے کے دوران چکن کی قیمت میں 6.19 فیصد اور آٹے کی قیمت میں 2.88 فیصد اضافہ ہوا، انڈے 0.93 فیصد مہنگے ہوئے جبکہ گھی، کوکنگ آئل اور دال مونگ کی قیمتوں میں بھی اضافہ دیکھا گیا۔ایک ہفتے میں ٹماٹر 16.18 فیصد اور چینی 4.91 فیصد سستی ہوئی، پیاز .08 فیصد اور آلو 1.71 فیصد سستے ریکارڈ کیے گئے۔ادارہ شماریات کے مطابق کیلے، دال چنا، دال مسور اور ایل پی جی کی قیمتوں میں بھی کمی ہوئی۔