بھارت میں لیونل میسی کی تقریب بدنظمی کا شکار، سٹار فٹبالر 10 منٹ میں روانہ ہونے پر مجبور

کلکتہ: بھارت میں ارجنٹینا کے عالمی شہرت یافتہ فٹبالر لیونل میسی کی آمد اس وقت بدنظمی کی نذر ہوگئی جب کلکتہ میں ان کے استقبال کے موقع پر سٹیڈیم میں ہنگامہ آرائی شروع ہوگئی، جس کے باعث وہ صرف دس منٹ بعد ہی وہاں سے روانہ ہوگئے۔بھارتی میڈیا کے مطابق لیونل میسی اپنے گوٹ ٹور (GOAT Tour) کے سلسلے میں کلکتہ پہنچے تھے، جہاں ویویکانند یووا فٹبال سٹیڈیم میں ان کی آمد کے دوران اچانک بدانتظامی اور ہنگامی صورتحال پیدا ہوگئی۔مقامی رپورٹس میں بتایا گیا کہ میسی کی ایک جھلک دیکھنے کے لیے بڑی تعداد میں شائقین سٹیڈیم پہنچے تھے، تاہم سخت سکیورٹی انتظامات اور سخت پروٹوکول کے باعث مداح مشتعل ہوگئے اور صورتحال قابو سے باہر ہونے لگی۔