ورلڈ کپ کیلئے بھارت نہ جانے پر بنگلہ دیش کا پاکستان سے رابطہ

اسلام آباد : بنگلہ دیش کرکٹ ٹیم کے آئی سی سی ٹی 20ورلڈ کپ کے لیے بھارت نہ جانے کے معاملے پر بنگلہ دیشی حکومت نے پاکستان سے رابطہ کیا ہے ۔ ذرائع کے مطابق بنگلہ دیش کا مسئلہ حل نہ کیا گیا تو پاکستان ٹی 20 ورلڈ کپ میں شرکت کے فیصلے کا جائزہ لے گا۔ ذرائع کے مطابق پاکستان نے مؤقف اختیار کیا ہے کہ بھارت کو کسی ملک کو ڈرانے دھمکانے کی اجازت نہیں دی جا سکتی، ڈھاکا کی معقول اور درست وجوہات ہیں، ان پر عمل درآمد ہونا چاہیے ۔ ذرائع کا کہنا تھا کہ پاکستان نے بنگلہ دیش کو اس معاملے پر مکمل حمایت کی یقین دہانی کروائی ہے ۔ واضح رہے کہ بنگلہ دیش نے سکیورٹی خدشات کے باعث ورلڈ کپ کے لیے بھارت نہ جانے کا اعلان کر رکھا ہے ۔