شاہین آفریدی بڑا چیلنج، پاکستان کیخلاف مکمل تیاری کیساتھ میدان میں اترینگے: مچل مارش

لاہور: آسٹریلوی کپتان مچل مارش نے کہا کہ پاکستان کے فاسٹ بولر شاہین شاہ آفریدی ان کے لیے ایک بڑا چیلنج ہوں گے، شاہین آفریدی نئی گیند کے ساتھ کسی بھی بیٹنگ لائن کے لیے مشکلات پیدا کر سکتے ہیں۔مہمان ٹیم کے کپتان مچل مارش کا کہنا تھا کہ آسٹریلوی ٹیم مکمل تیاری کے ساتھ میدان میں اترے گی اور پلئنگ الیون کے حوالے سے حتمی فیصلہ میچ کے روز کیا جائے گا۔شائقین کرکٹ کی بڑی تعداد قذافی اسٹیڈیم میں ہونے والے پہلے میچ کی منتظر ہے جبکہ دونوں ٹیمیں اس سیریز کو ورلڈ کپ سے قبل اپنی تیاریوں کا اہم مرحلہ قرار دے رہی ہیں۔یہ سیریز نہ صرف شائقین کے لیے دل!چسپی کا باعث ہے بلکہ دونوں ٹیموں کے لیے اپنی طاقت اور کمزوریوں کو جانچنے کا ایک اہم موقع بھی سمجھی جا رہی ہے۔واضح رہے کہ پاکستان اور آسٹریلیا کے درمیان سیریز میں حصہ لینے کیلئے 17 کھلاڑیوں پر مشتمل آسٹریلوی سکواڈ لاہور پہنچ گیا ہے، آسٹریلوی کھلاڑی آج آرام کریں گے، سیریز کا پہلا میچ کل قذافی سٹیڈیم میں کھیلا جائے گا۔