اسلام آباد: امام بارگاہ میں خودکش دھماکہ کی تحقیات کا آغاز

اسلام آباد: جڑواں شہروں کے امام بارگاہ میں خودکش دھماکہ کی تحقیات کا آغاز کر دیا گیا۔ذرائع کے مطابق پولیس نے ابتدائی طور پر تحقیقات کیلئے تین ٹیمیں تشکیل دے دیں، پولیس آپریشنز ،انویسٹی گیشن، سی ٹی ڈی سی آئی اے پر مشتمل تین ٹیمیوں نے تحقیقات کا آغاز کر دیا، پولیس فرانزک ٹیموں نے موقع سے تمام شواہد اکھٹے کر لیے۔تحقیقاتی ٹیموں کی جانب سے مختلف انسانی اعضا کے نمونے بھی حاصل کر لیے، امام بارگاہ کی طرف آنے والے راستے پر لگے کیمروں کی فوٹیجز بھی حاصل کر لی گئیں۔خیال رہے سانحہ کے بعد اسلام آباد پولیس کے ہومی سائیڈ یونٹ کے تمام افسران کو ہنگامی طور پر طلب کر لیا گیا۔