پولیس لائنز خودکش دھماکا اور کوہاٹ واقعے پر خیبر پختونخوا میں ایک روزہ سوگ

خیبر پختون خوا میں پشاور پولیس لائنز مسجد میں ہونے والے دھماکے اور سانحہ تاندہ ڈیم کوہاٹ کے پیش نظر صوبے بھر میں آج سرکاری سطح پر ایک روزہ سوگ منایا جا رہا ہے۔

ڈائریکٹریٹ آف آرکیالوجی و میوزیم، وزیراعلیٰ ہاؤس اور سیکریٹریٹ سمیت خیبر پختون خوا کی سرکاری عمارتوں پر قومی پرچم سرنگوں ہے۔

تھانہ پولیس لائنز کی مسجد کے اندر خود کش دھماکے کے نتیجے میں اب تک امام مسجد اور اہلکاروں سمیت 92 افراد شہید جبکہ 48 سے زائد افراد زخمی ہیں۔