اسلام آباد ہائیکورٹ نے مبینہ بیٹی کو کاغذات نامزدگی میں ظاہر نہ کرنے پر نااہلی کا کیس میں چیئرمین پی ٹی آئی عمران خان کی کی اضافی دستاویزات جمع کرانے کی متفرق درخواست کل بروز (جمعرات) کو سماعت کیلئے مقرر کردی۔
تفصیلات کے مطابق چیف جسٹس عامر فاروق کی سربراہی میں لارجر بینچ سماعت کرے گا۔ علاوہ ازیں عمران خان نے الیکشن کمیشن کو لکھا خط ریکارڈ پر رکھنے کی درخواست دائر کی تھی۔
عمران خان نے ضمنی الیکشن میں جیتی ساتوں نشستوں پر حلف نہ لینے کا خط لکھا تھا۔
ملٹری آپریشنز ڈائریکٹوریٹ طلب
علاوہ ازیں الیکشن کمیشن نے وزارت دفاع اور ملٹری آپریشنز ڈائریکٹوریٹ کو طلب کر لیا۔ الیکشن سے متعلق سیکورٹی معاملات پر بریفنگ کے لئےوزارت دفاع اور ملٹری آپریشنز ڈائریکٹوریٹ کو طلب کیا گیا ہے۔
تفصیلات کے مطابق وزارت دفاع اور ملٹری آپریشنز ڈائریکٹوریٹ کو 10مارچ جمعہ صبح 11 بجے بلایا گیا ہے، الیکشن کمیشن نے نگران وزیر اعلی پنجاب، چیف سیکرٹری اور آئی جی پنجاب کو13 مارچ پیر کو بلا لیا۔
ذرائع کے مطابق صوبائی اسمبلی پنجاب کے جنرل الیکشن کے انتظامات اور سیکیورٹی کے حوالے سے مشاورت ہوگی۔
Leave a Reply