لاہور: چیئرمین پی ٹی آئی عمران خان کی جانب سے اسلام آباد میں درج مزید 2 مقدمات میں بھی حفاظتی ضمانت کے لیے درخواست دائر کردی گئی ہے۔
سابق وزیراعظم عمران خان کی جانب سے بیرسٹر سلمان صفدر نے درخواست ضمانتیں دائر کی، جس میں لاہور ہائی کورٹ سے 15 روز کی حفاظتی ضمانت دینے کی استدعا کی گئی ہے۔
درخواست میں کہا گیا ہے کہ متعلقہ عدالت میں پیشی کے لیے حفاظتی ضمانت منظور کی جائے۔لاہور ہائیکورٹ کے رجسٹرار آفس نے عمران خان کی جانب سے دائر حفاظتی ضمانت کی درخواست سماعت کے لیے مقرر کر دی، جس پر جسٹس شہباز رضوی کی سربراہی میں 2 رکنی بینچ آج ہی سماعت کرے گا۔
حفاظتی ضمانت کے سلسلے میں دائر درخواست کی سماعت کے موقع پر عمران خان کے ہائی کورٹ میں پیش ہونے کا امکان ہے۔
Leave a Reply