لاہور: پی ٹی آئی رہنماؤں پر درج 10 مقدمات کی تحقیقات کے لیے بنائی گئی جے آئی ٹی نے تیسری بار عمران خان اور دیگر رہنماؤں کو طلب کرلیا۔
پی ٹی آئی پر ہونے والے مقدمات کی تفتیش کے معاملے میں جے آئی ٹی نے تیسری بار کل چئیرمین عمران خان اور دیگر رہنماؤں کو طلب کرلیا۔
گزشتہ روز عمران خان کے وکلاء جے آئی ٹی کے سامنے پیش ہوئے تھے اور کہا تھا کہ عمران خان کی زندگی کا خطرہ ہے اس لیے ہمارا بیان ریکارڈ کر لیا جائے، عمران خان سیکیورٹی تھریٹ کی وجہ سے جے آئی ٹی کے سامنے پیش نہیں ہوسکتے۔
ذرائع کے مطابق جے آئی ٹی نے عمران خان کے بیان ریکارڈ نہیں کیے۔ جے آئی ٹی نے عمران خان کو خود پیش ہو کر بیان ریکارڈ کروانے کا کہا۔ اسی طرح پی ٹی آئی کے دیگر رہنما بھی جے آئی ٹی کے سامنے پیش نہیں ہوئے۔
Leave a Reply