جوڑی نمبر ون واپسی پر ناکام، بابر اعظم سنچری میچ کو یادگار نہ بناسکے

لاہور: پاکستانی جوڑی نمبر ون ٹیم میں واپسی پر بڑی اننگز کھیلنے میں ناکام رہی جب کہ بابر اعظم سنچری میچ کو یادگار نہ بناسکے۔

نیوزی لینڈ سے قذافی اسٹیڈیم پر کھیلے جانے والے سیریز کے پہلے میچ میں بابر اعظم 100 ٹی ٹوئنٹی مقابلوں میں شرکت کرنے والے تیسرے پاکستانی کرکٹر بن گئے، ان سے قبل شعیب ملک 123 اور محمد حفیظ 119 میچز کھیل چکے ہیں۔

شعیب ملک نے اس دوران 2423 اور محمد حفیظ نے 2514 رنز بنائے، بابر اعظم 100 واں میچ شروع ہونے سے قبل ہی 3300سے زائد رنز اسکور کر چکے تھے، وہ سنچری میچ کو یادگار نہ بناسکے اور صرف 9 رنز پر رخصت ہو گئے۔

میچ شروع ہونے سے قبل پی سی بی مینجمنٹ کمیٹی کے سربراہ نجم سیٹھی نے بابر اعظم کو خصوصی جرسی بھی دی،وکٹوں کی سنچری مکمل کرنے والے شاداب خان کو بولنگ کوچ عمرگل نے شرٹ پیش کی۔