ورلڈکپ جیتنا اور ٹیسٹ چیمپئین شپ کا فائنل کھیلنا اگلا ہدف ہے، ہیڈکوچ

قومی کرکٹ ٹیم کے ہیڈکوچ گرانٹ بریڈ برن کا کہنا ہے کہ میرا ہدف بھارت میں شیڈول آئی سی سی ورلڈکپ جیتنا اور آئی سی سی ٹیسٹ چیمپئین شپ کا فائنل کھیلنا ہے۔

لاہور میں اسپنرز کیمپ کے دوران میڈیا سے بات کرتے ہوئے ہیڈکوچ گرانٹ بریڈ برن نے کہا کہ لیگ اسپنر یاسر شاہ بھی پلان کا حصہ ہیں، جسکی بھی ٹیم میں جگہ بنتی ہوگی اسے موقع فراہم کیا جائے گا۔

انہوں نے کہا کہ سری لنکا میں کنڈیشنز اسپن بولنگ کیلیے سازگار ہوں گی، ہم چاہتے ہیں کہ پاکستانی اسپنرز ان کے بیٹرز کیلیے پریشانیاں پیدا کریں۔ لاہور کی سخت گرمی میں ٹریننگ سے اسپنرز کو اپنی صلاحیتیں نکھارنے کا بھرپور موقع مل رہا ہے۔