اداکارہ زویا اختر نے فلم ’دی آرچیز‘ کے ٹیزر پر تنقید پر خاموشی توڑ دی

ممبئی: بھارتی فلمساز زویا اختر کی نئی آنے والی فلم ’دی آرچیز‘ کو سوشل میڈیا پر ٹرولنگ کا سامنا ہے اور فلمساز نے اس پر اپنا ردعمل بھی دیا ہے۔

’دی آرچیز‘ کا ٹیزر سامنے آتے ہیں جہاں دنیا بھر میں اس کی تعریف کی جارہی ہے وہیں کچھ لوگوں فلم کی کاسٹ کو سفید فام قرار دے کر تنقید کی ہے۔

زویا اختر نے سوشل میڈیا پر شدید ٹرولنگ پر ردعمل دیتے ہوئے لکھا کہ یہ کاسٹ ساری انڈین ہے، کیا ٹرولنگ کرنے والے یہ کہنا چاہتے ہیں کہ انڈین، انڈین نہیں ہیں۔
انہوں نے لکھا کہ ہم یہ فیصلہ کیسے کرسکتے ہیں کہ ایک انڈین کو کس طرح دکھنا چاہئے، یہ کاسٹ کی غلطی نہیں ہے کہ وہ کس طرح نظر آتے ہیں۔

فرحان اختر کی بہن کا مزید کہنا تھا کہ یہ رنگوں کا اختلاف انڈیا کی خوبصورتی ہے اور ’دی آرچیز‘ کی کاسٹ میں سب ہلکے رنگ والے انڈین ہیں۔

’دی آرچیز‘ ایک خصوصی فلم ہے جو شوبز انڈسٹری میں نئے بچوں کو متعارف کرارہی ہے جس میں شاہ رخ خان کی بیٹی سہانا، امیتابھ کی پوتی اگاستیا اور سری دیوی کی بیٹی خوشی کپور شامل ہیں۔