ٹرین حادثہ: فوج اور رینجرز کے دستے پہنچ گئے، امدادی کارروائیاں جاری

نواب شاہ: نواب شاہ میں ہزارہ ایکسپریس کی بوگیاں ریل ٹریک سے اترنے کے حادثے کے بعد فوج اور رینجرز کے دستے جائے حادثہ پہنچ گئے اور فوری طور پر امدادی سرگرمیاں شروع کردیں۔

اس حوالے سے آرمی چیف کی طرف سے امدادی سرگرمیوں کیلئے پاک فوج اور رینجرز کو خصوصی ہدایات جاری کی گئیں جس کے بعد فوج اور رینجرز کے دستے پہنچے۔ مزید دستوں کو حیدرآباد اور سکرنڈ سے طلب کیا گیا۔