ایف بی آر کے دفاتر ہفتے کو کھلے رہیں گے

اسلام آباد: فیڈرل بورڈ آف ریونیو کے مطابق انکم ٹیکس گوشواروں کی وصولی کیلیے ٹیکس دفاتر ہفتہ 28 اکتوبر کو کھلے رہیں گے۔

ایف بی آر نے فیلڈ فارمیشنز افسران اور اہلکاروں کی ہفتہ وار تعطیل منسوخ کرتے ہوئے ٹیکس واجبات و انکم ٹیکس گوشواروں کی وصولی کیلیے ٹیکس دفاتر ہفتہ وار تعطیل کو بھی معمول کے مطابق کھلے رکھنے کا اعلان کیا ہے۔

اس حوالے سے فیڈرل بورڈ آف ریونیو نے سرکلر جاری کردیا ہے جس کے ذریعے تمام فیلڈ فارمیشنز کو آگاہ کردیا گیا ہے ۔
ایف بی آر حکام کا کہنا ہے کہ انکم ٹیکس گوشوارے جمع کرانے کی آخری تاریخ میں تین روز باقی رہ گئے ہیں جس کو مد نظر رکھتے ہوئے فیڈرل بورڈ آف ریونیو نے تمام ٹیکس دفاتر کے افسروں اور عملے کی کل کی ہفتہ وار چھٹی منسوخ کردی ہے۔

حکام کے مطابق اب 28 اکتوبر بروز ہفتہ تمام ٹیکس دفاتر معمول کے مطابق کھلے رہیں گے۔ ریجنل ٹیکس آفس کے چیف کمشنرز کو چھٹی منسوخی کا مراسلہ بھجوا دیا گیا ہے۔