ایک سال میں بجلی کی قیمتیں کافی حدتک کم ہوجائیں گی،اویس لغاری

(سنگ میل نیوز )وفاقی وزیر توانائی اویس لغاری نے کہا ہے کہ بجلی کے پری پیڈ میٹرز کا منصوبہ زیر غور ہے اورایک سال میں بجلی کی قیمتیں کافی حدتک کم ہوجائیں گی۔

وفاقی وزیر توانائی اویس لغاری  کاملتان میں نیوز کانفرنس کرتے ہوئے  کہنا تھا کہ جیسے فون میں پری پیڈ سسٹم ہوتا ہے اسی طرح کا میٹر بھی ملنا چاہئے، کوشش ہے بجلی چوری سے ہونے والا نقصان گزشتہ سال سے کم ہو، بجلی چوری ناقابل برداشت  ہے،بجلی چوری کم کرنے اوربجلی صارفین کو سہولتیں دینے کے لئے بھی اقدامات جاری ہیں،پاور سیکٹرکو درپیش مسائل حل کئے جائیں گے۔