عوامی نیشنل پارٹی کے رہنما زاہد خان کا سیاست چھوڑنے کا اعلان

پشاور:(سنگ میل نیوز ) عوامی نیشنل پارٹی کے سینئر رہنما زاہد خان نے سیاست چھوڑنے کا اعلان کردیا۔

زاہد خان نے کہا کہ ایک نظریے اور سوچ کے ساتھ سیاست کر رہے تھے مگربدقسمتی سے ملک میں جو سیاست چل رہی ہے اس میں نظریات کہیں نہیں، ہم نے سیاست میں بڑی قربانیاں دی ہیں، موجودہ حالات میں مزید سیاست نہیں کرسکتا۔

پشاور: اے این پی رہنما غلام بلور کا آئندہ الیکشن میں حصہ نہ لینے کا اعلان

انہوں نے کہا کہ مستقبل کا فیصلہ اپنے حلقے کے لوگوں کے ساتھ مشاورت کے بعد کروں گا۔

یاد رہے کہ چند دن قبل بزرگ سیاستدان اور اے این پی کے سینئر رہنما غلام احمد بلور نے بھی آئندہ الیکشن میں حصہ نہ لینے کا اعلان کیا تھا۔

جیو نیوز سے گفتگو کرتے ہوئے غلام احمد بلور نے کہا تھا کہ 2024 کا الیکشن میں نے 85 سال کی عمر میں لڑا اب صحت مزید انتخابی سیاست کی اجازت نہیں دیتی، ہم شہیدوں کے امین ہیں، سیاست سے علیحدگی اختیار نہیں کی، مرتے دم تک سیاست کرتا رہوں گا۔