دنیا کا سب سے لمبا جانور خطرے سے دوچار نسل کی فہرست میں شامل

امریکی وائلڈ لائف حکام کی جانب سے زرافے کی نسل کے حوالے سے ایک اہم انکشاف کیا گیا ہےغیر ملکی میڈیا کے مطابق یو ایس فش اینڈ وائلڈ لائف سروس نے بتایا کہ زرافے کی آبادی خطرناک شرح سے کم ہو رہی ہے، جس کیلئے انہوں نے زرافے کی کئی نسلوں کو بچانے کیلئے تجویز پیش کی ہیں میڈیا رپورٹس کے مطابق ایسا پہلی بار ہو رہا ہے کہ افریقا سے تعلق رکھنے والے زرافے کو خطرے سے دوچار ہونے والی نسل کے ایکٹ کے تحت وفاقی تحفظ حاصل کیا جائے گازرافے کی نسل خطرے سے دوچار کیوں؟
امریکی وائلڈ لائف حکام نے بتایا کہ رہائش گاہ میں کمی، غیر قانونی شکار، شہری آبادکاری اور موسمیاتی تبدیلیوں کی وجہ سے پیدا ہونے والی خشک سالی زرافے کی نسل کو معدومیت کی جانب لے جا رہی ہے
اس حوالے سے یو ایس فش اینڈ وائلڈ لائف سروس کی ڈائریکٹر مارتھا ولیمز نے ایک بیان میں کہا کہ زرافے کے لیے وفاقی تحفظات ایک کمزور نسل کے تحفظ، حیاتیاتی تنوع کو فروغ دینے، ماحولیاتی نظام کی صحت کو سپورٹ کرنے، جنگلی حیات کی اسمگلنگ سے نمٹنے اور پائیدار معاشی طریقوں کو فروغ دینے میں مدد کریں گےانہوں نے کہا کہ اس طرح سے زرافے کی نسل کو تحفظ مل سکے گا جبکہ یہ عمل اس بات کو بھی یقینی بناتا ہے کہ امریکا ان کے زوال میں مزید تعاون نہ کرےامریکا زرافے کی نسل کو خطرے میں کیسے ڈال رہا ہےمیڈیا رپورٹس کے مطابق 2018 کی ایک رپورٹ میں بتایا گیا ہے کہ امریکا زرافے کے اعضا اور مصنوعات کے لیے ایک اہم مارکیٹ بن گیا ہے، امریکی شکاری زرافوں کو مارنے اور جسم کے اعضا واپس لانے کے لیے افریقا کا رخ کرتے ہیں