بھارتی سپریم کورٹ کا شاہی مسجد کے معاملے پر مقامی عدالتوں کو کارروائی روکنے کا حکم

بھارتی سپریم کورٹ نے سنبھل میں شاہی مسجد کے معاملے پر مقامی عدالتوں کو کارروائی روکنے کا حکم دے دیا بھارتی میڈیا کے مطابق مسجد کمیٹی نے عدالت کے سروے کے حکم کو چیلنج کرتے ہوئے سپریم کورٹ میں درخواست دائر کی تھی جس پر سپریم کورٹ نے حکم جاری کرتے ہوئے کہا کہ مسجد کمیٹی کو قانونی حقوق استعمال کرنے کا موقع ملنا چاہیےسپریم کورٹ نے سماعت کے دوران کہا کہ عدالت چاہتی ہے کہ علاقے میں امن و امان برقرار رہےاس کے علاوہ نماز جمعہ کے موقع پر کشیدگی کے پیش نظر سنبھل میں سخت حفاظتی انتظامات کیے گئے، پولیس اور انتظامیہ نے علاقے میں اضافی فورس تعینات کی واضح رہے کہ سنبھل میں شاہی مسجد کی جگہ مندر کے دعوے پر ہونے والے سروے کے بعد پر تشدد واقعے میں 5 افراد جان سے گئے