اسرائیل کے غزہ پر حملوں میں 29 فلسطینی شہید، حماس کی جوابی کارروائیاں جاری

اسرائیل کی جانب سے غزہ پر حملوں کا سلسلہ جاری ہے جس میں مزید 29 فلسطینی شہید ہوگئے۔ اسرائیلی حملوں میں غزہ کے کمال عدوان اسپتال میں دھماکے کیے گئے، اور گزشتہ روز سے جاری حملوں کے دوران فلسطینیوں کی مزید قیمتی جانیں ضائع ہو گئیں۔ دوسری جانب فلسطین کی مزاحمتی تنظیم حماس نے غزہ اور مغربی کنارے میں جوابی کارروائیاں جاری رکھی ہیں، جس میں متعدد اسرائیلی فوجیوں کو ہلاک اور زخمی کرنے کا دعویٰ کیا گیا ہے۔

ایرانی سپریم لیڈر آیت اللہ خامنہ ای نے اسرائیل کے غزہ میں مقاصد حاصل کرنے میں ناکامی پر تبصرہ کرتے ہوئے کہا کہ اسرائیل نہ مغویوں کو رہا کر سکا اور نہ ہی حماس کی مزاحمت کو ختم کر سکا ہے۔ غزہ کی حالت میں مزید کشیدگی اور سیاسی تناؤ کے اثرات عالمی سطح پر محسوس ہو رہے ہیں۔