پاکستان اسٹاک ایکسچینج میں کاروبار کا منفی دن، 100 انڈیکس میں کمی

کراچی: پاکستان اسٹاک ایکسچینج میں آج بھی کاروبار کا منفی دن رہا، جہاں 100 انڈیکس میں کمی دیکھنے کو ملی۔ کاروبار کے اختتام پر 100 انڈیکس 1991 پوائنٹس کی کمی کے بعد ایک لاکھ 10 ہزار 423 پوائنٹس پر بند ہوا۔

آج کی ٹریڈنگ میں مارکیٹ میں 62 کروڑ شیئرز کے سودے ہوئے جن کی مالیت 33 ارب روپے تھی۔ اس دوران مارکیٹ کیپٹلائزیشن میں بھی 237 ارب روپے کی کمی واقع ہوئی، جس کے بعد یہ 14 ہزار 14 ارب روپے تک پہنچ گئی۔

پاکستان اسٹاک ایکسچینج میں مسلسل مندی کی صورتحال سے سرمایہ کاروں میں تشویش پائی جا رہی ہے، جس کے باعث مارکیٹ میں سرمایہ کاری کی سرگرمیاں سست پڑ گئی ہیں۔