زارا نور عباس کے بھائی کی شادی میں پہنا جانے والا جوڑا سوشل میڈیا پر موضوع بحث

اداکارہ زارا نور عباس کے بھائی کی شادی کی تصاویر اور ویڈیوز سوشل میڈیا پر وائرل ہو گئی ہیں، جن میں خاص طور پر ان کے نکاح کی تقریب میں پہنے گئے جوڑے کا چرچا ہو رہا ہے۔ حال ہی میں اسما عباس کے بیٹے احمد کی شادی لاہور میں ہوئی، جس کی مختلف تقریبات کی تصاویر اور ویڈیوز میں زارا اور اسما عباس کے رقص کی بھی خوب پذیرائی ہوئی۔ تاہم، زارا نور عباس کا نکاح کی تقریب پر پہنا جانے والا جوڑا سوشل میڈیا پر کچھ زیادہ پسند نہیں آیا۔

زارا نور عباس نے انسٹاگرام پر اس جوڑے کی تفصیلات شیئر کیں اور بتایا کہ یہ لباس معروف برانڈ حسین رہر کا ہے۔ اس جوڑے کا رنگ آٖف وائٹ، گولڈن اور سرخ تھا اور اس کی قیمت 3 لاکھ 95 ہزار روپے تھی۔ جوڑے کی قیمت اور ڈیزائن پر کچھ صارفین نے ملے جلے ردعمل کا اظہار کیا، جبکہ کچھ نے اس کی خوبصورتی اور زارا کی شخصیت سے مطابقت کی تعریف بھی کی۔