راولپنڈی کی انسداد دہشت گردی عدالت نے وزیر اعلیٰ خیبر پختونخوا علی امین گنڈا پور کے ناقابل ضمانت وارنٹ گرفتاری معطل کر دیے ہیں۔ یہ وارنٹ حسن ابدال میں درج ایک مقدمے کے سلسلے میں جاری کیے گئے تھے۔
علی امین گنڈا پور کے وکیل محمد فیصل ملک نے عدالت میں وارنٹ گرفتاری معطل کرنے کی درخواست دائر کی۔ درخواست میں یہ مؤقف اختیار کیا گیا کہ پشاور ہائیکورٹ نے علی امین گنڈا پور کی تمام مقدمات میں ضمانت منظور کی ہے۔ وکیل نے پشاور ہائیکورٹ کا حکم نامہ بھی عدالت میں جمع کرایا۔
عدالت نے اس درخواست پر غور کرتے ہوئے علی امین گنڈا پور کے ناقابل ضمانت وارنٹ گرفتاری معطل کر دیے اور اشتہاری قرار دینے کی کارروائی بھی منسوخ کر دی۔
Leave a Reply